У пачатку жніўня Палітрада АГП прыняла рашэнне выключыць са сваіх шэрагаў Мікалая Саляніка, які ўзначальваў Гродзенскую абласную структуру партыі.

Адзін з перформансаў Мікалая Саляніка. Фота spring96.org.

Справа ў тым, што 7 ліпеня Салянік быў абраны гродзенскім кіраўніком незарэгістраванага Беларускага нацыянальнага кангрэсу, які ўзначальвае Мікалай Статкевіч.

Кіраўніцтву АГП такое сумяшчэнне пасадаў не спадабалася. Яны паставілі перад спадаром Салянікам выбар: альбо з намі, альбо з БНК. Партыец абраў кааліцыю.

Выканаўца абавязкаў кіраўніка АГП Мікалай Казлоў кажа, што Салянік парушыў статут партыі. «Ён не можа займаць адначасова кіруючую пасаду ў іншай арганізацыі», — кажа Казлоў.

Сам Салянік гаворыць, што гэтае рашэнне супярэчыць і статуту, і здароваму сэнсу. Маўляў, гэта не партыя, а кааліцыя. «Партыя павінна супрацоўнічаць з усімі дэмакратычнымі сіламі, якія стаяць за перамены», — сказаў нам гродзенскі актывіст.

Па словах Саляніка, супраць ягонага выключэння выступалі прадстаўнікі гомельскай і брэсцкай абласных арганізацый. «Самых масавых», — удакладняе мужчына.

«Не спадабалася гэта в.а. кіраўніка партыі, — гаворыць Салянік. — Кіраўніком ён ніколі і не будзе. Хай зробяць хаця б столькі, колькі Гродзенская абласная арганізацыя зрабіла. Я ведаю, што ўжо падаў заяву аб выхадзе з АГП Анатоль Мышкевіч, будуць яшчэ некалькі хлопцаў».

Мікалую Саляніку 65 гадоў, ён родам з Дубровенскага раёна Віцебскай вобласці. Працаваў аграномам у Гродзенскім раёне. Быў начальнікам упраўлення сельскай гаспадаркі Гродзенскага райвыканкама, дырэктарам птушкафабрыкі, дырэктарам калгаса. Цяпер пенсіянер. Неаднаразова затрымліваўся за сваю палітычную дзейнасць.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

57
Каментатар / Адказаць
04.06.1972 / 19:32
Вечно обиженный:вначале когда-то начальством,теперь-коллегами по партии.А внутрь себя заглянуть не хочется?
8
Каментатар / Адказаць
10.11.1991 / 13:57
Псевдооппозиционную депутатку Канопацкую за аналогичное почему-то из ОГП не выгнали!?
3
Каментатар / Адказаць
21.08.1971 / 19:52
Дарма агэпэшнікі так, людзьмі не раскідваюцца, па нашых часах.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру