Дзіўная сітуацыя разгортваецца вакол судовага разбіральніцтва наконт экстрэмісцкіх публікацый газеты «Вечерній Могілёв».

Чытайце: Мінінфарм знайшоў экстрэмізм у двух артыкулах «Вечернего Могилёва»

Справа была так: маладзечанскі ЛГБТ-актывіст Валянцін Цішко паскардзіўся на абразлівыя публікацыі, камісія пры Міністэрстве інфармацыі знайшла ў матэрыялах прыкметы экстрэмізму. Гэтае рашэнне перадалі ў магілёўскую міліцыю, тая звярнулася ў суд, каб аштрафаваць выданне.

Аднак газета з рашэннем камісіі пры Мінінфарме не пагадзілася і падала сустрэчны пазоў.

Каля газеты ў гэты час утварылася група падтрымкі, прадстаўнікі якой пачалі тэрарызаваць Міністэрства інфармацыі ў розных формах. Асноўная пляцоўка змагання — інтэрнэт, куды яны публікуюць свае довады з шэрагу: «Экспертная камісія Мінінфармацыі створана ў год Майдана!». 

Сцвярджаецца, што неназваныя колы «Дзікага Захаду» выдаткавалі 16 мільёнаў еўра на барацьбу з «Вечернім Магілёвам», на якія спакусіліся адказныя асобы шэрагу ведамстваў, у тым ліку Мінінфарма. 

Няздольнасцю ўтрымацца перад такімі грашыма і тлумачыцца судовы працэс супраць газеты. 

Публікуецца гэта ў той жа суполцы «УКантакце», дзе публікуюцца і нататкі газеты.

«Калі сярод былых партработнікаў пачалася эпідэмія змены арыентацыі, яна не абышла і Мінінфармацыі. Наколькі гэтая ржа раз'ела вышэйшыя эшалоны ўлады — жудасць! Вакханалія садамітаў працягваецца, хто яе спыніць?» — такім пытаннем задаюцца на сайце выдання.

Цікава, што міністру інфармацыі Аляксандру Карлюкевічу ўжо нават даслалі «падарунак» у выглядзе жалезнага відэльца і гальштука «каб нагадаць, у што могуць выліцца заляцанні з Дзікім Захадам».

Абаронцы і газетчыкі патрабуюць адклікаць рашэнне экспертнай камісіі. Відаць, не ведаючы механізмаў — міністэрства гэтага зрабіць не можа.

Але як у міністэрстве агулам ставяцца да такіх абвінавачанняў і перформансаў? Як выявілася, Аляксандр Карлюкевіч у адпачынку, на пытанні «Нашай Нівы» адказаў першы намеснік Павел Лёгкі. 

«Да перформансаў ставімся з іроніяй, — адказаў Лёгкі. — Гэта спроба псіхалагічнага ціску ў час судовага разбіральніцтва. Галоўнае, што калі скончыцца суд, тады мы яшчэ пагаворым. А так… Ну гэта такая піяр-акцыя, каб прыцягнуць увагу да выдання, якое відавочна не аблашчана чытацкай аўдыторыяй і папулярнасцю. Бо іначай як трызненнем не назваць тое, што пішуць яны і група падтрымкі. Якія 16 мільёнаў еўра на барацьбу з газетай? Ці не завысока яны пра сябе думаюць?» — сказаў намеснік міністра.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

54
Каментатар / Адказаць
29.09.2005 / 22:25
Колькі каштуе у Магілеве газета? Бяру две!
8
Каментатар / Адказаць
20.02.1990 / 01:18
Газета если честно,то ни о чём!Решили хайпануть на нынче модной гей теме, да не на то на что рассчитывали нарвались.Лучше бы извинились да и дело с концом.А эта ряженная группа поддержки ничего кроме сожаления не вызывает,убогие какие то.Лёгкому Павлу респект за достойный ответ.И,конечно же,НЕДОПУСТИМО что бы какая то неизвестная газета вмешивалась туда куда нужно.А про 16 миллионов евро,ну,тут пора уж хорошим и качественным юристам подключаться и впаивать организаторам этого фейка нешуточный штраф.
7
Каментатар / Адказаць
11.02.1975 / 11:29
Улыбнуло))))
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру