Агульны сход акцыянераў Светлагорскага цэлюлознага камбіната 15 жніўня ўзгадніў працэдуру і парадак завяршэння кантракта будаўнічага падраду з кітайскай карпарацыяй САМСЕ, паведамляе «Беллеспаперапрам». Рэалізацыю праекта Светлагорскі ЦКК завершыць самастойна з прыцягненнем беларускіх падрадных арганізацый.
Фота: svetlogorsk.by.
Прадметам кантракта было будаўніцтва завода па вытворчасці сульфатнай беленай цэлюлозы магутнасцю 400 тысяч тон у год.
У рамках пагаднення камбінат і кампанія САМСЕ змогуць урэгуляваць спрэчныя пытанні, якія засталіся пасля спынення кантракта будаўнічага падраду.
Рэалізацыю праекта Светлагорскі цэлюлозны камбінат завершыць самастойна з прыцягненнем беларускіх падрадных арганізацый.
Прамысловы гігант быў пабудаваны з нуля пры дапамозе крэдытаў кітайскіх банкаў, а генпадрадчыкам выступіла карпарацыя CAMCE. Агульны кошт будаўніцтва склаў каля 770 мільёнаў даляраў.
Новы завод некалькі разоў быў у эпіцэнтры скандалаў з-за нездавальняючай працы кітайскага генеральнага падрадчыка. Таксама мясцовыя жыхары крытыкуюць завод з-за яго ўплыву на экалагічную сітуацыю.
