23 жніўня крама беларускіх рэчаў і адзення Symbal.by запрашае разам адсвяткаваць пяцігоддзе.
Што будзе:
— зайграюць чатыры вядомыя беларускамоўныя гурты: Akute,:B:N:, NaviBand, Dzieciuki,
— Марыя Ермакова, удзельніца беларускага нацыяльнага адбору на «Дзіцячае Еўрабачанне-2019», прэзентуе песню «Вятры». Да конкурса, які адбудзецца ў лістападзе ў Польшчы, Марыя пераклала сваю конкурсную песню «Вятры» на ўсе славянскія мовы краін-удзельніц. На свяце ў «Пясочніцы» Марыя праспявае беларускі варыянт сваёй песні.
А таксама:
— прэзентацыя новай калекцыі цішотак,
— конкурсы, забавы, падарункі, фотазоны,
— фуд-корт «Пясочніцы» з півам і смачнай вулічнай ежай.
Вядучы свята — Аляксей Сапрыкін.
Пачатак а 18.30. Уваход вольны.