Берлінскі заапарк паведаміў, што мясцовая панда па мянушцы Мэн Мэн 31 жніўня нарадзіла двайнят, паведамляе The Guardian.

Пандаў расплоджваць складана, што робіць такія роды вельмі рэдкімі.

Пры нараджэнні ружовыя дзіцяняты з тонкім белым пухам і непрапарцыйна доўгімі хвастамі мала падобныя да сваіх бацькоў.

Пол дзіцянят яшчэ не вызначаны.

Панды, якія нарадзіліся ў Берліне, вернуцца ў Кітай на працягу чатырох гадоў.

Раней Кітай перадаў Германіі тры панды, але апошняя, Баа Баа, памерла ў Берліне ў 2012 годзе ва ўзросце 34 гадоў.

У Кітаі ў дзікай прыродзе засталося каля 1864 пандаў.

Крыху больш за 400 пандаў жывуць у заапарках па ўсім свеце.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру