2 верасня каля 2 гадзіны ночы супрацоўнікі ДАІ на праспекце Чарняхоўскага ў Віцебску спынілі аўтамабіль «Опель Амега», кіроўца якога візуальна знаходзіўся за рулём у стане алкагольнага ап'янення, паведамляе прэс-сакратар МУС Беларусі Вольга Чамаданава ў сваім тэлеграм-канале.
Пры праверцы дакументаў падазрэнні супрацоўнікаў міліцыі пацвердзіліся: 29-гадовы кіроўца відавочна быў нецвярозы. Але пасля ён і яго пасажыр паспрабавалі даць хабар супрацоўнікам міліцыі — 200 даляраў ЗША.
Супрацоўнік ДАІ папярэдзіў кіроўцу і пасажыра аб крымінальнай адказнасці за дачу хабару. Аднак, насуперак папярэджанням, яны паклалі грошы ў бардачок службовага аўтамабіля. Убачыўшы гэта, інспектар зачыніў машыну і выклікаў на месца следча-аператыўную групу.
У дачыненні да кіроўцы заведзена крымінальная справа (дача хабару). Максімальнае пакаранне да пяці гадоў пазбаўлення волі.