Пераход форварда «ПСЖ» Неймара ў «Барселону» гэтым летам быў малаімаверны.
Фота з інстаграма Неймара
Паводле Mundo Deportivo, парыжане запатрабавалі ў каталонскага клуба ў абмен на Неймара 150 млн еўра, Івана Ракіціча і Жана-Клера Тадзібо, а таксама Усмана Дэмбеле — у арэнду.
Адзначаецца, што пасля гэтага прэзідэнт каталонцаў Жазэп Бартамеў вырашыў не купляць Неймара і сказаў: «Усё скончана. Мы не будзем пасмешышчам для сусветнага футбола».
Неймар перайшоў у ПСЖ з «Барселоны» за рэкордныя 222 млн еўра ў 2017 годзе, але праз два гады захацеў пакінуць французскі клуб. Разглядаўся таксама яго пераход у «Рэал».
0
0
0
0
0
0
