Экспарт газу з Расіі ў краіны Паўднёва-Усходняй Еўропы за першую палову 2019 года ўпаў больш чым на чвэрць. Патрэба ў расійскім газе скарацілася пасля запуску здабычы на новым радовішчы ў Азербайджане, а таксама ў выніку росту паставак у Еўропу звадкаванага газу з ЗША і Блізкага Усходу.
Пастаўкі расійскага газу ў Турцыю, найбольшы рынак рэгіёна, упалі на 36% проці першай паловы 2018 года, піша Ройтэрз. Экспарт у Грэцыю і Балгарыю паменшаў на 12,7% і 17,4% адпаведна. Гэта вынікае са статыстыкі, апублікаваная расійскай кампаніяй. Усяго газпрамаўскі экспарт у 9 краін рэгіёна скараціўся на 27% да 14,2 млрд кубаметраў проці 19,5 млрд за першую палову 2018 года.
Для параўнання, Беларусь за год закупляе прыкладна 22 млрд тон расійскага газу.
Кошт звадкаванага газу ў Нідэрландах, бэнчмарк для спотавых закупаў звадкаванага газу ў Еўропе, гэтым летам складаў $3,6 за мільён брытанскіх цеплавых адзінак (mmBtu), што напалову менш, чым Турцыя плаціць «Газпрому».
Такім чынам, Турцыя скараціла залежнасць ад расійскага газу з 49% да 35% ад агульнага спажывання.
