Лагойская акружная камісія №75 апублікавала інфармацыю пра зарэгістраваныя ініцыятыўныя групы па зборы подпісаў для ўдзелу ў парламенцкіх выбарах.
Фаварыт — цяперашні дэпутат, педагог па адукацыі Пятро Вабішчэвіч. Перад тым, як з’явіцца ў парламенце, ён быў начальнікам аддзела культуры Лагойскага райвыканкама і старшынёй Лагойскага раённага Савета дэпутатаў.
Пятро Вабішчэвіч. Фота kolodischi.by
Вабішчэвіч — сябра пралукашэнкаўскай Камуністычнай партыі.
Адметна, што па гэтай акрузе спрабуе вылучыцца яшчэ адна актывістка той самай Кампартыі — дырэктарка Лагойскага раённага камбіната бытавога абслугоўвання насельніцтва Наталля Гудкова.
Апроч двух «чырвоных» кандыдатаў ёсць яшчэ і Ілля Дабратвор. Ён фігуруе як сябра Партыі БНФ, але пры гэтым застаецца аўтарам сайта «Палітрынг», які прасоўвае «ідэалы» рускага свету ў Беларусі.
Ілля Дабратвор. Фота Волі Афіцэравай
Чытайце:
Актывіст БНФ Ілля Дабратвор працуе на сайт «рускага свету». Як гэта ўкладваецца ў яго галаве? — вялікая гутарка
