Ваяр
Ноччу батальённая тактычная група са сродкамі ўзмацнення 19-й асобнай гвардзейскай механізаванай брыгады пасля заняцця першага рубяжу манеўранай абароны выканала задачы па вядзенні абарончага бою з умоўным праціўнікам у перадавой паласе абароны, паведамляе mil.by.
Артылерыйскія падраздзяленні 120 амбр і 19 амбр у складзе двух батарэй 2С1 і мінамётнага ўзвода пры выкананні задач ажыццявілі агнявое паражэнне камандных пунктаў, а таксама жывой сілы і тэхнікі ўмоўнага праціўніка, тым самым не даўшы яму замацавацца на занятых рубяжах.
У ходзе бою вайскоўцы паказалі добры ўзровень прафесійнай падрыхтоўкі і зладжанасць падраздзяленняў. Вайскоўцы дзейнічалі рашуча і з пастаўленымі задачамі справіліся паспяхова, гаворыцца ў паведамленні Мінабароны.