Беларуская і руская мовы ў краіне маюць роўны статус. На гэта звярнуў увагу кіраўнік краіны сёння на сустрэчы з прадстаўнікамі ўкраінскіх СМІ, піша БелТА.

Журналіст, які звярнуўся з пытаннем, лічыць, што ў краіне перавага аддаецца рускай, і нават напісанне на дзяржаўных будынках часцяком на рускай, а не па-беларуску.

«Я пабойваюся палітызаваць і ўводзіць у абсалют гэтае пытанне», — падкрэсліў кіраўнік дзяржавы. Ён нагадаў, што рашэнне прынялі людзі ў ходзе рэферэндуму, падтрымаўшы менавіта роўны статус дзвюх моў.

Лукашэнка адзначыў: «Мы з гэтай нагоды асаблiва не парымся і не бачым вялікай насцярожанасці … Не жадаем зрабіць яблыкам разладу рускую мову».

Ён расказаў, што яго часам крытыкуюць па моўным пытанні: «У нас дзве дзяржаўныя мовы, роўны статус беларускай і рускай. Гэта рашэнне рэферэндуму». Роўна як і па дзяржаўнай сімволіцы рашэнне беларусы прынялі на рэферэндуме.

«Што тычыцца тэндэнцыі — так, мы больш гаворым на рускай, чым на беларускай», - канстатаваў Лукашэнка і падкрэсліў, што не бачыць у гэтым вялікай праблемы. Пры гэтым ён адзначыў, што ў краіне беларускую мову ведаюць практычна ўсе, і ў апошні час зроблена нямала для яе папулярызацыі.

«Не трэба ламаць насельніцтва і прымушаць размаўляць на той мове, на якой улада хацела б, нават калі гэта чымсьці абгрунтавана. На гэта трэба час. І ісці трэба вельмі акуратна і спакойна», - заявіў кіраўнік дзяржавы.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру