Старшыня Слонімскага райвыканкама Генадзь Хоміч падаў у суд на Сцяпана Пуцілу, стваральніка тэлеграм-канала Нехта.

Генадзь Хоміч, фота belarus.by

У жніўні 2019 года Пуціла напісаў допіс, у якім сцвярджаў, што Хоміча нядаўна злавілі п’яным за стырном.

Справу, маўляў, удалося замяць, але неўзабаве п’янай злавілі яшчэ і жонку мэра Слоніма. «Дамовіцца ў гэты раз не атрымалася», — падсумоўваў Сцяпан Пуціла.

Сцяпан Пуціла, фота radyjo.net/Беларуская служба Польскага радыё/Эдуард Жолуд

Напрыканцы допіса быў і намёк на карупцыйную дзейнасць мэра Слоніма: маўляў, яму ўдалося адсправаздачыцца толькі за 26% бюджэтных сродкаў, выдзеленых на Дзень беларускага пісьменства.

Генадзь Хоміч у судовай заяве пераконвае, што ўсе пералічаныя прэтэнзіі — хлусня. Ён патрабуе з Пуцілы 50 тысяч рублёў маральнай кампенсацыі, якія абяцае ахвяраваць інфекцыйнаму аддзяленню Слонімскай цэнтральнай бальніцы.

Пуціла настойвае: Хоміча рэальна затрымлівалі з нейкай колькасцю праміле ў крыві, што пацвярджаецца нейкімі дакументамі. «Арыгіналы хоць і канфіскаваныя мясцовымі начальнікамі па загадзе раённага царка, але здымкі ж засталіся. Не публікуюцца яны толькі таму, што крыніцы трэба берагчы», — піша ён у новым допісе.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру