Фота з твітара Джона Болтана
Пра гэта міністр замежных спраў Беларусі заявіў у інтэрв'ю РБК, адказваючы на пытанне пра ўражанні ад сустрэчы з памочнікам Трамп па нацыянальнай бяспецы Джонам Болтанам.
«Мне Джон Болтан вельмі спадабаўся як чалавек. Так, многія яго называюць ястрабам, узнагароджваюць нейкімі эпітэтамі, але мне ён спадабаўся ў тым плане, што чалавек мае сваё ўласнае стратэгічнае бачанне, адстойвае сваю пазіцыю і спрабуе зразумець пазіцыю суразмоўцы. І ён, як нам здаецца, з'ехаў з выразным разуменнем неабходнасці працягу беларуска-амерыканскага дыялогу. Хоць, вядома ж, Беларусь не знаходзіцца ў спісе прыярытэтаў знешняй палітыкі ЗША», - сказаў Макей.
Міністр таксама адзначыў, што магчымая сустрэча Лукашэнкі з Трампам не абмяркоўвалася і ніякім чынам не закраналася.
«Візіт цяпер ужо былога памочніка прэзідэнта ЗША па нацыянальнай бяспецы насіў азнаямленчы характар, ён вельмі жыва цікавіўся сітуацыяй у краіне, ацэнкай кіраўніцтвам Беларусі таго, што адбываецца ў рэгіёне, перспектывамі ўрэгулявання тых крызісаў, якія існуюць. Была сапраўды вельмі шчырая і зацікаўленая размова», — адзначыў Уладзімір Макей.
Макей: Падчас абмеркавання плана інтэграцыі з расійскага боку гучалі «абсалютна непрымальныя прапановы»
Макей назваў размяшчэнне расійскай базы бессэнсоўным
