БПС-Сбербанк прадаставіць кампаніям-імпарцёрам да 350 млн даляраў пад доўгатэрміновае фінансаванне імпарту па зніжаных стаўках. Гэта дапаможа беларускім прадпрыемствам з набыццём неабходнага абсталявання і рэалізацыяй інвестпраектаў.
Доўгатэрміновае фінансаванне знешнегандлёвых кантрактаў будзе ажыццяўляцца ў якасці пацверджанага акрэдытыву з прыцягненнем рэсурсаў замежных банкаў. Магчымасць прыцягнуць рэсурсы на спецыяльных умовах дзейнічае абмежаваны перыяд.
«Пад знешнегандлёвыя здзелкі будуць прыцягвацца рэсурсы замежных банкаў у трох асноўных валютах. Зараз мы гаворым пра тэрмін да 8 гадоў, але пад складаныя інвестыцыйныя праекты гатовыя разгледзець яго павелічэнне. Нягледзячы на максімальна простую структуру здзелкі, нам удалося сфармаваць цікавыя стаўкі для імпарцёраў», — адзначыў намеснік старшыні праўлення па карпаратыўным бізнэсе БПС-Сбербанка Дзмітрый Вайтушка.
На асаблівых умовах са зніжанай стаўкай БПС-Сбербанк прафінансуе праекты на агульную суму да $350 млн. Пры прадастаўленні рэсурсаў на тэрмін 5—7 гадоў стаўкі ў еўра складуць ад 4 да 4,7% гадавых, у далярах ЗША — ад 6,35 да 7,15%, у расійскіх рублях — ад 10,6 да 11,2%.
Сярод ключавых пераваг — заўважна больш гнуткі графік пагашэння, у адрозненне ад працы праз экспартныя крэдытныя агенцтвы, плюс магчымасць прадастаўлення адтэрміноўкі па першым пагашэнні. БПС-Сбербанк таксама возьме на сябе комплексную падтрымку ва ўзгадненні і абмеркаванні фінансавых складнікаў здзелкі з замежнымі контрагентамі.
Фінансаванне даступна ўсім кампаніям, незалежна ад памеру бізнэсу і сферы дзейнасці. Пры гэтым банк выкарыстоўвае гнуткі падыход да структуравання кожнай здзелкі, зыходзячы з індывідуальных патрэбнасцяў кампаній.
