Кітайскі авіяперавозчык Air China прызнаў Нацыянальны аэрапорт Мінск найлепшым агентам па наземным абслугоўванні ў Еўропе за 2018 год, паведамляе сайт аэрапорта.
Пры выбары сярод прэтэндэнтаў авіякампанія Air China ацэньвала не толькі геаграфічныя асаблівасці аэрапортаў, але і асноўныя паказчыкі якасці, уключаючы своечасовасць наземных аперацый, гарантаваную бяспеку, працэнт памылак у апрацоўцы багажу, а таксама ўзровень задаволенасці пасажыраў. Па выніках ацэнкі ўсіх аэрапортаў-прэтэндэнтаў за мінулы год авіякампанія Air China вызначыла беларускі сталічны аэрапорт найлепшым у еўрапейскім рэгіёне ў галіне наземнага абслугоўвання паветраных судоў.
