Міністр нацыянальнай абароны Літвы Раймундас Каробліс пракаментаваў занепакоенасць Беларусі з нагоды размяшчэння амерыканскіх войскаў у Літве.
«Літва непасрэдна зацікаўлена ў забеспячэнні незалежнасці і тэрытарыяльнай цэласнасці Беларусі, а таксама ў пашырэнні эканамічнага супрацоўніцтва. Таму я магу з упэўненасцю сказаць, што суверэнітэт Беларусі не знаходзіцца пад ваеннай ці нейкай іншай пагрозай — з боку Захад», — сказаў міністр нацыянальнай абароны Літвы Раймундас Каробліс, адказваючы на рэакцыю Беларусі на размяшчэнне амерыканскага батальёна ў Літве.
Нагадаем, учора Аляксандр Лукашэнка даручыў дзяржсакратару Рады бяспекі і міністру абароны распрацаваць і ў найбліжэйшы час прадставіць яму план мерапрыемстваў па адэкватным рэагаванні на дзеянні, звязаныя з размяшчэннем у Літве каля мяжы з Беларуссю бранятанкавай тэхнікі і кантынгенту ўзброеных сіл ЗША.
