3 лістапада ў Мастоўскім раёне загарэлася салома ў полі мясцовага сельгаспрадпрыемства каля вёскі Касілы. Да месца надзвычайнага здарэння неадкладна накіраваліся падраздзяленні МНС.

Агнём знішчана каля 100 тон саломы ў рулонах. Людзі не пацярпелі. Прычына ўзгарання — свавольства дзяцей з агнём.

Высветлілася, 12-гадовыя хлопчык і дзяўчынка гасцявалі на вакацыях у сваіх бабуль у вёсцы. На вуліцы хлапчук знайшоў запальнічку. Гуляючы, дзеці ўзлезлі на салому, і запальнічка, якая гарэла, упала на цюк. Дзеці паспрабавалі патушыць полымя, але гарэнне хутка распаўсюджвалася з рулона на рулон. Яны спалохаліся і збеглі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру