15 лістапада Расія, Нарвегія і Літва правялі абмен асобамі, асуджанымі за шпіянаж, перадае літоўскае тэлебачанне.
Абмен адбыўся на расійска-літоўскай мяжы. У рамках аперацыі двое расейцаў, асуджаных за шпіянаж у Літве, былі перададзеныя Расіі. Расейскія ўлады перадалі двух літоўцаў і аднаго грамадзяніна Нарвегіі.
Кіраўнік Дэпартамента дзяржаўнай бяспекі Літвы Дарус Яўнішкіс паведаміў, што абмен адбыўся ў пятніцу апоўдні.
