Амаль 250 упаковак снюсу канфіскавана ў дзвюх полацкіх крамах, якія гандлююць тытунёвымі вырабамі, паведамляе міліцыя.
Падлетак пачаставаў снюсам сяброў — аднаму са школьнікаў спатрэбілася медыцынская дапамога. Міліцыянеры высветлілі, што тавар купляўся ў спецыялізаваным гандлёвым пункце. Пры яго аглядзе ў закрытай вітрыне захоўваліся розныя віды тытунёвай сумесі. Пазней выявілі яшчэ адзін магазін з аналагічнай прадукцыяй, якая распаўсюджвалася ў тым ліку праз інтэрнэт.
Складзеныя на распаўсюднікаў адміністрацыйныя пратаколы накіраваныя ў суд для разгляду. У міліцыі нагадалі, што снюс і насвай забароненыя ў свабодным абарачэнні ў Беларусі.
0
0
0
0
0
0
