pixabay.com

У міліцыю звярнуўся мінчук, які расказаў, што з яго кватэры скрадзена больш чым 9 тысяч еўра, паведамляе сталічная міліцыя.

Праваахоўнікі, апытаўшы ўсіх членаў сям'і, высветлілі, што выпадак звязаны з сяброўкамі 11-гадовай дачкі — 14- і 16-гадовымі сёстрамі, якія прыходзілі ў госці да дзяўчынкі.

Гэта і пацвердзілася. На працягу 4 месяцаў сёстры наведвалі сваю сяброўку, дзе разам бавілі вольны час.

Аператыўнікам сёстры растлумачылі, што знайшлі грошы ў шафе, калі гулялі ў «хованкі». Са жніўня па лістапад яны бралі з шафы невялікія сумы грошай, аднак пасля памеры крадзяжоў сталі дасягаць 1500 еўра за адзін раз.

Усяго яны скралі 9 500 еўра.

Аказалася, што выкрадзеныя грошы сёстры перадавалі сваёй маці, разам з якой трацілі валюту на дарагую касметыку, парфюмерыю, адзенне.

Пры правядзенні ператрусу па месцы жыхарства мінчанак аператыўнікамі было выяўлена і канфіскавана 1400 еўра. Каля 1000 еўра канфіскаваныя з кашалькоў сясцёр.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

5
Каментатар / Адказаць
15.09.2017 / 18:36
Кралі патроху, не ўсё адразу. Цікава ці засталося там што?
50
Каментатар / Адказаць
21.05.1999 / 12:15
Вой! А навошта прызнавплiся? Бралi ? Не! I нiчога б не даказалi.
22
Каментатар / Адказаць
01.06.1979 / 00:28
Адкуль у беларусаў такiя грошы?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру