Прэзідэнт ЗША Дональд Трамп прыбыў з неабвешчанымі візітам у Афганістан, каб сустрэцца з амерыканскімі вайскоўцамі, якія праходзяць службу ў гэтай краіне, і павіншаваць іх з Днём падзякі. Гэта яго першы візіт у Афганістан, піша bbc.com.
Трамп таксама сустрэўся з прэзідэнтам Афганістана Ашрафам Гані. Пасля сустрэчы амерыканскі прэзідэнт заявіў журналістам, што рух «Талібан» імкнецца заключыць мірнае пагадненне.
За тыдзень да яго візіту ЗША і талібы дамовіліся аб абмене палоннымі. Аглядальнікі лічаць, што гэта можа прывесці да аднаўлення перамоваў аб перамір'і.
Падчас візіту Трамп таксама заявіў, што ЗША значна скароцяць вайсковую прысутнасць у краіне, але не паведаміў дэталяў.
Цяпер у Афганістане знаходзяцца 13 тысяч амерыканскіх вайскоўцаў. Войскі ЗША ўвайшлі ў Афганістан 18 гадоў таму пасля нападаў 11 верасня 2001 года. Гэта самая працяглая ваенная кампанія ў амерыканскай гісторыі.