Вадаспад Вікторыя моцна змялеў з-за засухі. Навукоўцы баяцца, што змяненне клімату можа зусім знішчыць славутасць, піша 34travel.me.
«У папярэднія гады ён высыхаў, але не настолькі, — пракаментаваў сітуацыю адзін з мясцовых жыхароў. — Мы ўпершыню з гэтым сутыкаемся».
У такім маштабе вадаспад Вікторыя сапраўды не перасыхаў за апошнія 25 гадоў. І нават са сканчэннем сухога сезону дажджы ў рэгіён не прыйшлі. Вадаспад замарудзіў свой ход, а ўзровень вады зьменшыўся напалову.
Навукоўцы ўпэўненыя, што абмялення прывядзе да праблем з гідраэнергетыкай і сельскай гаспадаркай. Мясцовым ужо патрэбна харчовая дапамога з-за неўраджаю. Можа пацярпець і турыстычная прывабнасць рэгіёну. Кожны год вадаспад прыцягваў мільёны падарожнікаў у Замбію і Зімбабвэ, але цяпер ён ператварыўся ў тонкі струменьчык вады.
