Эканамічны суд вобласці распачаў справу аб банкруцтве Гарадоцкага райпо. Яно стала дзясятым збанкрутаваным спажывецкім таварыствам у рэгіёне, паведамляе Tut.by.
На 1 кастрычніка 2019 года крэдыторская запазычанасць прадпрыемства складала 2,9 млн рублёў. Даўгі перад работнікамі і па абавязковых плацяжах у бюджэт складаюць 44 тысячы рублёў. Пры гэтым каля 92% даўгоў пратэрмінованы. У дачыненні да райпо распачата 138 выканаўчых вытворчасцяў на больш чым 3 млн рублёў.
Кошт маёмасці райпо ацэньваюць у 6,1 млн рублёў. Але гэта ў асноўным нізкаліквідныя актывы з нявызначанай перспектывай продажу.
Суд усталяваў у адносiнах да даўжнiка ахоўны перыяд - да 10 студзеня 2020 года. Часовым упраўляючым прызначаны Мікалай Міронаў.
