Фота Надзеі Бужан
Бяспека Беларускай АЭС (БелАЭС) павінна стаць прыярытэтнай задачай Міжнароднага агенцтва па атамнай энергіі (МАГАТЭ), заявіў міністр энергетыкі Літвы Жыгімонтас Вайчунас, піша Delfi.
Такую пазіцыю ён агучыў у чацвер на сустрэчы ў Вене з новым кіраўніком агенцтва Рафаэлем Марыяна Гросі, паведаміла Міністэрства энергетыкі. «Ядзерная бяспека - гэта ўсеагульная адказнасць, бо, як паказваюць урокі мінулага, ядзерныя аварыі становяцца ўсеагульнай бядой. Рэпутацыя ядзернай энергетыкі знаходзіцца ў руках МАГАТЭ, таму гарантаванне яе бяспекі ў Беларусі павінна быць прыярытэтнай задачай арганізацыі», - сказаў Ж. Вайчунас.
Як сказаў Ж. Вайчунас, гендырэктар МАГАТЭ паабяцаў садзейнічанне ў справе ажыццяўлення місій у Беларусі і нагляду за правядзеннем рэкамендацый у жыццё.