Лівійцы павінны самі вырашыць, якой будзе іх будучыня, напісаў у сваім твітары дзяржсакратар Майк Пампеа.
«Прыйшоў час, каб лівійцы самі вырашылі, якой будзе іх будучыня — будучыня, свабодная ад гвалту, што падаграецца знешнімі гульцамі. Мы заклікаем усе бакі скарыстацца гэтай магчымасцю праз пасярэдніцтва ААН», - адзначыў Пампеа.
Такую заяву дзяржсакратар ЗША зрабіў, знаходзячыся ў Берліне на міжнароднай канферэнцыі па ўрэгуляванні сітуацыі ў Лівіі. Гэтая канферэнцыя праходзіць у сталіцы Нямеччыны 19 студзеня па ініцыятыве канцлера Ангелы Меркель. На перамовы яна запрасіла прадстаўнікоў супрацьлеглых бакоў — камандуючага Лівійскай нацыянальнай арміі фельдмаршала Халіфу Хафтара і кіраўніка ўрада нацзгоды Фаіза Сараджа.
У сустрэчы таксама бяруць удзел прадстаўнікі Расіі, Францыі, Турцыі, ЗША, Вялікабрытаніі, Алжыра, Егіпта і ААЭ.
