Інцыдэнт адбыўся ў Брэсце 17 снежня, распавялі ў Дзяржкамітэце судовых экспертыз.
У міліцыю звярнуўся кіроўца таксі, які распавёў, што адзін з яго пасажыраў, прыехаўшы да пункта прызначэння, папрасіў пачакаць, пакуль ён сходзіць дадому па грошы. Калі ж мужчына вярнуўся, у якасці аплаты ён паклаў у салон аўтамабіля прадмет, падобны на пісталет-кулямёт.
Праведзеная балістычная экспертыза паказала, што гэта макет пісталета-кулямёта Судаева ўзору 1943 года, зробленым заводскім спосабам і канструктыўна падобным з агнястрэльнай зброяй.
Пасажыр, які абраў гэтак нетрывіяльны спосаб аплаты, ужо знойдзены. Гэта 57-гадовы жыхар Брэста. Мужчына растлумачыў, што з-за адсутнасці грошай, вырашыў аплаціць праезд сувенірнай зброяй.
0
0
0
0
0
0
