Міністрам культуры Расіі стала Вольга Любімава, і яна хутка прыцягнула ўвагу карыстальнікаў інтэрнэту. Але іх зацікавілі зусім не факты з яе біяграфіі, а фатаграфія, на якой, як лічаць у інтэрнэце, новы расійскі міністр. Надпіс на яе футболцы спарадзіў дыскусію пра асобу новага міністра.
У карыстальнікаў сеткі розныя асацыяцыі з гэтай футболкай. Так, палітыку Аляксею Навальнаму яна нагадала вядомы анекдот пра міністэрства культуры.
Некаторыя звярнулі ўвагу на стары блог Любімавай у «Жывым журнале», а менавіта на допіс, апублікаваны 11 гадоў таму: у ім цяперашні міністр прызнаецца, што яна — «ні халеры не культурны чалавек».
Любімава раней працавала на тэлебачанні, у тым ліку на канале «Культура». Таксама ў 2018 годзе яна ўзначаліла дэпартамент кінематаграфіі міністэрства культуры. Любімава курыравала выдачу пракатных пасведчанняў.
