Супрацоўнікі Службы бяспекі Украіны прыйшлі на тэлеканал 1+1 з ператрусам у рэдакцыю праграмы «Сакрэтныя матэрыялы», прадзюсарам якой быў дэпутат Аляксандр Дубінскі ад прапрэзідэнцкай сілы «Слуга народа».

Ператрус праводзіцца па рашэнні суда.

У СБУ ёсць падазрэнні, што адзін з журналістаў праграмы мог быць датычны да «зліва» аўдыёзапісаў нарады прэм'ер-міністра Украіны Аляксея Ганчарука, на якой прысутнічалі міністр фінансаў і першы намеснік Нацыянальнага банка Украіны.

Пастановай суда супрацоўнікам Службы бяспекі дазволена канфіскоўваць тэхнічныя прылады, якія могуць дапамагчы ў расследаванні справы.

Хоць Дубінскі і належыць да прапрэзідэнцкай партыі, ён часта крытыкаваў рашэнні, прынятыя «Слугой народа». Некаторыя ўкраінскія аглядальнікі лічаць Дубінскага прадстаўніком клана Каламойскага, які зацікаўлены ў аслабленні Ганчарука.

Сам тэлеканал 1+1 належыць Каламойскаму.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
18.04.2018 / 18:43
О, гэта той Дубінскі, што піша свае струмені свядомасці ў аўтарскай калонцы "Украінскай праўды"?
Каб пакінуць каментар, калі ласка, актывуйце JavaScript у наладах свайго браўзеру