Незвычайную прапанову зрабіў генеральны пракурор ЗША Уільям Бар. На ягоную думку, ЗША трэба задумацца пра куплю кантрольных пакетаў акцый фінскай і шведскай кампаній, здольных канкураваць з кітайскай Huawei Technologies Co Ltd.
Huawei — піянер тэхналогіі мабільнай сувязі 5G, аднак у многіх краінах свету баяцца пускаць Кітай у такую далікатную сферу. Толькі шведы і фіны маюць тэхналогіі, якія могуць стаць альтэрнатывай кітайцам.
Амерыканцы такіх тэхналогій не маюць.
Бар раней працаваў у Verizon Communications Inc.
Віцэ-прэзідэнт ЗША Майк Пэнс не падтрымлівае прапанову Бара, паведамляе агенцтва Ройтэрз. Ён мяркуе, што і амерыканскія кампаніі будуць здольныя распрацаваць свае альтэрнатывы.
Тым не менш, заява Бара паспрыяла росту каціровак акцый шведскай і фінскай кампаній на 5 і 4% адпаведна.
