Карыстальнікі Windows паскардзіліся на абнаўленне KB4532693. Апдэйт павінен быў выправіць праблему з «сінім экранам смерці», але павялічыў колькасць памылак, піша lenta.ru.
Выданне звярнула ўвагу, што карыстальнікі Windows 10 на форумах рэкамендуюць уручную выдаліць абнаўленне KB4532693. Па іх словах, сістэмны апдэйт выклікае крытычную памылку BSoD, вядомую як «сіні экран смерці». Таксама ў некаторых выпадках з-за абнаўлення сістэма не можа загрузіцца. Уладальнікі ліцэнзійных копій Windows заўважылі, што адзіны спосаб вырашэння праблемы заключаецца ў аднаўленні сістэмы.
Паводле апісання на сайце Microsoft, патч KB4532693 быў выпушчаны 11 лютага і павінен быў выправіць памылкі, выкліканыя больш раннім абнаўленнем KB4532695. У пачатку лютага карыстальнікі скардзіліся на шматлікія памылкі сістэмы і з'яўленне «сіняга экрана смерці». Аднак карыстальнікі заўважылі, што абнаўленне Windows 10 зноў прыводзіць да сістэмнай памылкі.
Выданне заўважыла, што абнаўленні для Windows 10 складаней кантраляваць, бо яны ставяцца на камп'ютар аўтаматычна. Windows Latest параіла карыстальнікам ўручную выдаліць патч KB4532693 і чакаць выпуск чарговага абнаўлення Microsoft, якое павінна выправіць памылкі.
