ERR
Пасля штогадовай індэксацыі 1 красавіка сярэдні памер пенсіі па старасці для чалавека з 44-гадовым стажам павялічыцца з 483 да 528 еўра, паведамляе Эстонскае радыё.
Рост складзе 8%, або 45 еўра.
Пенсіянеры са стажам у 15 гадоў пачнуць атрымліваць у месяц 322,07 еўра, з 30-гадовым стажам — 428,63 еўра, з 40-гадовым стажам — 499,67 еўра, а з 44-гадовым стажам — 528,09 еўра.
Базавая частка пенсіі вырасце са 191,65 да 208,5 еўра.
Разлічаныя па новых стаўках пенсіі пачнуць выплачваць з 1 красавіка 2020 года.
У Беларусі памер сярэдняй пенсіі па ўзросце складае 432 рублі (на сёння гэта 181,5 еўра).
