У парку-музеі інтэрактыўнай гісторыі «Сула» (Стаўбцоўскі раён) 29 лютага — 1 сакавіка адсвяткуюць Масленіцу і выпекуць велізарныя бліны, паведамілі БелТА ў Мінаблвыканкаме.
У праграме — традыцыйныя масленічныя забавы і конкурсы, дзіцячы хэндмэйд, майстар-клас па народных танцах, батлейка. Запланаваная і камандная гульня па выпечцы бліноў — будуць пячы блін дыяметрам больш за 2 метры.
Кульмінацыяй свята стане спальванне пудзіла Зімы на цэнтральнай пляцоўцы комплексу і карагод вакол вогнішча.
Парк-музей інтэрактыўнай гісторыі «Сула» ад 2010 года адкрыты для наведнікаў. Тут можна ўбачыць стаянку старажытнага чалавека, пляцоўку славянскіх культаў, прыстань і паселішча варагаў, гатычны квартал, залу шляхецкай славы.
0
0
0
0
0
0
