Суд Вілейскага раёна вынес прыгавор 26-гадоваму мужчыну, якога прызналі вінаватым у згвалтаванні 15-гадовай дзяўчыны. Пра гэта паведамляе МЛЫН.BY.
Абвінавачаны атрымаў сем гадоў пазбаўлення волі з адбываннем пакарання ў калоніі ва ўмовах ўзмоцненага рэжыму.
Намеснік пракурора Вілейскага раёна Андрэй Жукоўскі распавёў:
— Злачынства было здзейснена ў кастрычніку ад трэцяй да чацвёртай гадзіны ночы ў адной з вёсак Ільянскага сельсавета. Тры непаўналетнія дзяўчыны прыйшлі ў госці да хлопцаў, якія адпачывалі ў прыватным доме. Разам з імі яны сталі распіваць спіртное.
Па словах Жукоўскага, абвінавачаны і пацярпелая — жыхары Вілейскага раёна. Раней яны знаёмыя не былі. Хлопец працаваў у адной з арганізацый Вілейшчыны.
Прысуд у законную сілу не ўступіў. Ён можа быць абскарджаны і апратэставаны ва ўстаноўленым заканадаўствам парадку.