Чэшскія і славацкія ўлады ў панядзелак прынялі дадатковыя захады па спыненні распаўсюду новага тыпу каранавіруса на тэрыторыі гэтых рэспублік. У Чэхіі паліцыя пачала выбарачна мераць тэмпературу ў аўтамабілістаў, што ўязджаюць на тэрыторыю краіны. У Славакіі зачыняюцца школы, яслі і дзіцячыя сады, піша ТАСС.

«Дзяржаўная рада бяспекі [Чэхіі] з аўторка пастанавіла ўвесці каранцін у бальніцах і дамах састарэлых. Найбольшая рызыка заражэння каранавірусам існуе ў пажылых людзей і пакутуючых на хранічныя хваробы», — паведаміў журналістам міністр аховы здароўя Чэхіі Адам Войцех.

Паводле яго слоў, у рэспубліцы выяўлена 32 інфікаваных. Большасць з іх нядаўна вярнуліся з Італіі. Больш за 1 100 грамадзян, якія знаходзіліся ў кантакце з заражанымі, змешчаныя ў двухтыднёвы хатні каранцін. Парушальнікам рэжыму строгага каранціну пагражае штраф да 3 млн крон (прыкладна €20 тыс.).

У Славакіі ў панядзелак каранавірус быў выяўлены ў выхавальніцы аднаго з дзіцячых садкоў у Браціславе. Колькасць інфікаваных у рэспубліцы, як інфармавала Славацкае радыё, узрасла да шасці чалавек. Уладамі абмяркоўваецца пытанне аб часовай забароне камандзіровак дзяржслужачых за мяжу.

У Браціславе і іншых славацкіх гарадах зачынены ці зачыняюцца на тэрмін не менш за два тыдні яслі, дзіцячыя сады і школы. Такая мера прынята, у прыватнасці, у сталічных раёнах Ружынаў і Стары-Горад. На мінулым тыдні былі спыненыя заняткі ў адной са школ горада Малацкі, размешчанага за 25 км на захад ад Браціславы.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру