olympic.org
Цырымонія запальвання і перадачы алімпійскага агню адбудзецца ў Алімпіі (Грэцыя) без гледачоў у сувязі з пагрозай распаўсюджвання каранавіруса. Пра гэта паведамляе прэс-служба Нацыянальнага алімпійскага камітэта Грэцыі.
У цырымоніі, запланаванай на 12 сакавіка, возьмуць удзел каля 100 чалавек. Цырымонія таксама будзе закрытая для журналістаў.
«Алімпійская цырымонія будзе праходзіць без гледачоў, і ў ёй возьмуць удзел толькі 100 чалавек, акрэдытаваных Міжнародным алімпійскім камітэтам і аргкамітэтам Гульняў у Токіа. Мы заклікаем мэраў гарадоў, праз якія пройдзе алімпійскі агонь, выконваць указанні міністэрства аховы здароўя і Нацыянальнай арганізацыі грамадскай аховы здароўя», — гаворыцца ў паведамленні.
