Другі дзень неспакойна ў турмах Італіі, паведамляе інфармацыйнае агенцтва Ansa. Зняволеныя баяцца за сваё жыццё ў выпадку пранікнення віруса ў вязніцы і бунтуюць. Хваляванні закранулі ўжо 27 устаноў, інфармацыю зняволеныя чэрпалі са СМІ.
У турме Модэны загінулі трое — усе пры нявысветленых абставінах, са слядамі наркотыкаў.
З турмы Фоджа частка зняволеных вырвалася на свабоду, іх блакаваў спецназ. Да турмы перакінутыя сілы карабінераў і вайскоўцы.
