Асноўныя індэксы на фондавых біржах ЗША адкрылі таргі падзеннем на 7%. З-за гэтага таргі прыпынялі на 15 хвілін, паведамляе Reuters.
Таргі на Нью-Ёркскай фондавай біржы прыпынілі на 15 хвілін. Таргі закрываюць да канца дня, калі падзенне дасягае 20%.
Падзенне на рынках паскорылася пасля таго, як Сусветная арганізацыя аховы здароўя абвясціла распаўсюджванне COVID-19 пандэміяй, а прэзідэнт ЗША Дональд Трамп абвясціў пра забарону на ўезд у краіну з Еўропы.
Гэта ўжо другое спыненне таргоў за тыдзень. Першы раз гэта адбылося ў панядзелак, 9 сакавіка, пасля рэзкага абвалу цэн на нафту.