У Мінску ашуканцы прадстаўляліся супрацоўнікамі «Мінскэнерга», незаконна аказваючы гараджанам платныя паслугі, паведамляюць Мінск-Навіны.
Адзін з інцыдэнтаў адбыўся ў сакавіку. У шматкватэрны дом на вул. Адзінцова прыйшоў махляр, які прадставіўся работнікам энергазабеспячальнага прадпрыемства, які ажыццяўляе праверку лічыльнікаў. Жыхарцы адной з кватэр «энергетык» сказаў, што ёй патрабуецца замяніць аўтаматычны выключальнік. Ён прапанаваў свае паслугі, якія будуць каштаваць 45 рублёў.
У «Мінскэнерга» заклікаюць грамадзян быць уважлівымі і пільнымі. Падчас такіх праверак супрацоўнікі арганізацыі павінны прад'яўляць пасведчанне. Калі дакумента няма, у кватэру такіх «правяральшчыкаў» лепш не пускаць.
Таксама ў арганізацыі нагадалі, што супрацоўнікі прадпрыемства не маюць права на месцы аказваць паслугі па замене якіх-небудзь дэталяў або заключаць дамовы. Яны толькі кантралююць паказанні электралічыльнікаў або праводзяць работы па замене і паверцы прыбораў уліку электраэнергіі, якія ў планавым парадку бясплатныя.
