Жыхар Камянецкага раёна зняў уклад з рахунку і схаваў гатоўку ў гаражы — больш за 23 тысячы рублёў у розных валютах, паведамляе МУС.
У сярэдзіне сакавіка яму здалося, што частка грошай знікла. Пра гэта пенсіянер паведаміў дачцэ — тая прымчалася на дапамогу разам з жанчынай, якая прыходзіцца сваячкай бацьку, і яе мужам. Высветлілася, што ўсе грошы былі на месцы.
У той жа вечар муж з жонкай зноў прыехалі ў вёску. Яны ўзламалі дзверы, скралі з гаража металічную скрыню з грашыма і паехалі ў райцэнтр.
Частку грошай муж і жонка патрацілі, а астатняе схавалі ў тайніку, які зрабілі ўнутры вулічнага туалета.
Завялі крымінальную справу.
0
0
0
0
0
0
