Адміністрацыя Дональда Трампа выпрабуе 14 патэнцыйных вакцын ад каранавіруса, паведамляе NBC News.
Гэтыя ўзоры былі адабраны з 93 вакцын, распрацаваных 80 фармкампаніямі.
На працягу наступных двух тыдняў вакцыны пройдуць тэставанне, у выніку якога адбяруць шэсць-восем фінальных узораў. У канчатковым выніку павінна застацца тры ці чатыры вакцыны, эфектыўных у барацьбе з COVID-19. Іх плануюць выкарыстоўваць у пачатку наступнага года.
Няма гарантыі, што хаця б нейкая з 14 вакцын стане паспяховай.
