У Нью-Ёрку памёр амерыканскі мастак-канцэптуаліст балгарскага паходжання Хрыста Явашаў. Яму было 84 гады, піша «Дождь».
Хрыста Явашаў разам са сваёй жонкай Жаннай-Клод дэ Гіе-бон атрымалі вядомасць праектамі па ўпакоўцы прастор — ад звычайных прадметаў да будынкаў і помнікаў. У 1995 годзе яны абгарнулі серабрыстай тканінай будынак Рэйхстага ў Берліне.
flickr.com
Сярод іншых іх інсталяцый: «Бягучы тын. Каліфорнія», «Абгорнуты Пон-Нава. Парыж», «Брама ў Цэнтральным парку Нью-Ёрка», «Акружаныя выспы» ў Фларыдзе, «Даліна Каларада» і іншыя. Акрамя таго, Явашаў планаваў абгарнуць у плёнку Трыумфальную арку ў Парыжы. На афіцыйным сайце мастакоў гаворыцца, што гэты праект усё яшчэ плануецца ажыццявіць восенню 2021 года.
Хрыста Явашаў нарадзіўся ў 1935 годзе ў Балгарыі, ён вучыўся ў Сафійскай Акадэміі мастацтваў. Са сваёй будучай жонкай пазнаёміўся ў Парыжы. З 1964 года Явашаў жыў у Нью-Ёрку.
