5 чэрвеня, калі дазволіць надвор'е, жыхары Беларусі змогуць назіраць паўценевае месяцавае зацьменне, паведамляе tut.by са спасылкай на суполку ASTROBEL TEAM.

Месяц у фазе поўні перасячэ зямны паўцень. Гэту астранамічную з'яву можна будзе назіраць з любой часткі Беларусі.

«Само па сабе гэта месяцовае зацьменне будзе нязначным, бо Месяц не ўвойдзе непасрэдна ў зямны цень, а толькі пройдзе праз зямны паўцень, ледзь зацяніўшы адзін са сваіх краёў, — гаворыцца ў паведамленні. — Такую з'яву не заўжды ўдаецца назіраць простым вокам, бо ступень падзення яркасці аднаго з краёў месяцавага дыска ў момант перасячэння зямнога паўценю нікчэмна малая».

Максімальны працэнт апускання Месяца ў зямны паўцень складзе 59%. Усё будзе доўжыцца 3 гадзіны 23 хвіліны.

Храналогія паўценевага месяцавага зацьмення ў Мінску і Беларусі:

20.43 — пачатак паўценевага зацьмення Месяца (за гарызонтам);

21.17 — узыход Месяца;

21.35 — заход Сонца;

22.25 — момант максімуму паўценевага месяцавага зацьмення (Месяц будзе найбольш блізка да цэнтра зямнога ценю);

00.06 — канец паўценевага месяцовага зацьмення.

У Паўночнай Амерыцы поўню першага летняга месяца звычайна называюць «сунічнай», бо яна служыла сігналам да збору саспелых суніц.

Наступныя зацьменні Месяца чакаюцца 5 ліпеня і 3 жніўня. 

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру