«Белпошта» паведаміла на сваім афіцыйным сайце аб выпадках кібермахлярства ў сферы дастаўкі тавараў, набытых праз інтэрнэт. Ашуканцы выкрадаюць грошы і даныя банкаўскіх карт карыстальнікаў з дапамогай фальшывага сайта РУП «Белпошта».
На папулярных бясплатных інтэрнэт-пляцоўках зламыснікі размяшчаюць аб'явы аб продажы розных тавараў. Пакупніку прапануецца здзейсніць куплю з выкарыстаннем сэрвісу нацыянальнага аператара паштовай сувязі. Далей, пасля ўдакладнення асабістых даных, нібыта неабходных для афармлення дастаўкі, пакупніку даецца спасылка на фішынгавы сайт і прапануецца ажыццявіць аплату тавару банкаўскай аплатнай картай. Пры гэтым знешнія атрыбуты сайта могуць цалкам капіяваць дызайн партала РУП «Белпошта» і мець даменнае імя, падобнае да арыгінальнага.
У выніку такога махлярства пакупнікі страчвалі не толькі грошы за тавар, але і ўсе зберажэнні на карце.