Цырымонія ўручэння «Оскараў», якая павінна была прайсці 28 лютага наступнага года, перанесеная на 25 красавіка, піша bbc.com.

Пакуль не зразумела, ці пройдзе цырымонія як звычайна або арганізатары прыдумаюць анлайн-варыянт «Оскараў».

Таксама працягваецца тэрмін падачы заявак на ўдзел у праграме прэміі.

Магчымасць прэтэндаваць на «Оскар» атрымалі фільмы, якія выходзяць у пракат ад 1 студзеня 2020 года да 28 лютага 2021 года.

Уручэнне Оскара ў гісторыі прэміі адкладалася тройчы. У 1938 годзе цырымонію перанеслі з-за паводкі ў Лос-Анджэлесе, у 1968-м — з-за забойства Марціна Лютэра Кінга, а ў 1981-м — пасля замаху на жыццё прэзідэнта Рональда Рэйгана.

Падаўжаючы тэрмін падачы заявак і пераносячы цырымонію, Амерыканская кінаакадэмія спадзяецца даць кінавытворцам час, каб скончыць вытворчасць фільмаў, прыпыненых з-за пандэміі.

Спіс прэтэндэнтаў на кінапрэмію будзе апублікаваны 15 сакавіка наступнага года.

У адпаведнасці з новымі правіламі кінаакадэміі, на «Оскар» могуць прэтэндаваць фільмы, знятыя для стрымінгавых платформаў, такіх як Netflix.

Ад класічных правілаў, якія абвяшчаюць, што намінаваны фільм павінен дэманстравацца ў кінатэатрах Лос-Анджэлеса па меншай меры тыдзень, адступілі. Кінатэатры ў Лос-Анджэлесе зачыненыя, як і ў большасці краін свету.

У сувязі з пандэміяй вытворчасць многіх фільмаў была прыпыненая, прэм'еры адкладзеныя або зусім скасаваныя. Некаторыя фільмы абмінулі этап пракату ў кінатэатрах і выйшлі адразу ў анлайне або на лічбавых носьбітах.

«Оскар» — не адзінае буйное мерапрыемства, які закранула пандэмія. Перенеслі таксама Алімпійскія гульні ў Токіа і «Еўрабачанне».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру