Урад Расіі ўхваліў праект пратакола аб унясенні змяненняў у пагадненне паміж урадамі Расіі і Беларусі ад 2011 года аб прадастаўленні Беларусі дзяржаўнага экспартнага крэдыту для будаўніцтва АЭС, піша «Інтэрфакс».
Дакумент быў прадстаўлены Мінфінам РФ і ўзгоднены з расійскімі МЗС, Мінэканамразвіцця, «Расатамам» і ВЭФ РФ, а таксама быў папярэдне прапрацаваны з беларускім бокам.
Урад даручыў Мінфіну сумесна з МЗС і іншымі ведамствамі правесці з Беларуссю перамовы і па дасягненні дамоўленасці падпісаць пратакол ад імя ўрада РФ.
У красавіку крыніца «Інтэрфакса», знаёмая з праектам пратакола аб унясенні змяненняў у міжурадавае пагадненне дзвюх краін, паведамляла, што Расія гатовая рэструктураваць крэдыт на будаўніцтва Беларускай АЭС. Паводле яго слоў, Расія падрыхтавала і папярэдне ўзгадніла з беларускім бокам змены ў пагадненне.
Дакумент прадугледжвае падаўжэнне перыяду выкарыстання крэдыту на 2 гады — да канца 2022 г., замену дзеючай «змяшанай» працэнтнай стаўкі па крэдыце на фіксаваную ў памеры 3,3% гадавых, а таксама перанос даты пачатку пагашэння асноўнага доўгу па крэдыту з 1 красавіка 2021 г. на 1 красавіка 2023 г.
Міжурадавае пагадненне аб прадастаўленні ўраду Беларусі дзяржаўнага экспартнага крэдыту для будаўніцтва атамнай электрастанцыі, якое прадугледжвае выдзяленне да $10 млрд, было падпісаны 25 лістапада 2011 г. Сродкі прадастаўлены для фінансавання 90% кошту работ па генкантракце на будаўніцтва АЭС. Яшчэ 10% аплачвае беларускі бок.