SDRK
Былы прэзідэнт Алмазбек Атамбаеў асуджаны на 11 гадоў і 2 месяцы пазбаўлення волі з канфіскацыяй маёмасці. Ён стаў першым прэзідэнтам Кыргызстана, якога адправілі за краты, паведамляе «Радыё Свабода».
Атамбаева прызналі вінаватым «у арганізацыі карупцыі» (незаконнае вызваленні крымінальнага «аўтарытэта» Азіза Батукаева). Акрамя турэмнага тэрміну і канфіскацыі маёмасці суд пастанавіў пазбавіць палітыка дзяржаўных узнагарод.
Абвінавачванне прасіла для былога кіраўніка дзяржавы 15 гадоў пазбаўлення волі.
Атамбаеў узначальваў Кыргызстан з 2011 па 2017 год і быў затрыманы ў жніўні 2019 года ў сваёй рэзідэнцыі ў сяле Кош-Тай у ходзе спецаперацыі. Яна працягвалася двое сутак. Прыхільнікі палітыка аказалі супраціў. У ходзе супрацьстаяння загінуў адзін супрацоўнік спецназа, пацярпелі больш за сто чалавек, у тым ліку і супрацоўнікі міліцыі.