У аператыўна-дзяжурную службу Партызанскага РУУС пазваніў мужчына: ён паведаміў, што з яго «Фальксвагена Пасат» скрадзена 400 еўра, піша сталічная міліцыя.
У ходзе разбору было ўстаноўлена, што да крадзяжу датычны 31-гадовы сусед. Яго затрымалі. Мужчына растлумачыў, што раней ездзіў у аўто суседа і ведаў, што ўладальнік часта пакідае ў бардачку грошы.
Аднойчы раніцай ён падышоў да аўто, ведаючы, што гаспадар багажнік не замыкае, пракраўся праз яго ў салон аўтамабіля і скраў з бардачка 400 еўра.
Прычым 160 еўра ён паспеў патраціць.
