«Такіх афіцыйных адказаў я яшчэ не атрымлівала. ГУУС пакінула мой зварот аб умовах утрымання Паўла Севярынца без разгляду, бо я не прыклала да звароту ніякіх дакументаў, якія б пацвердзілі маё права звяртацца да іх з такім зваротам. А тое, што «усы и хвост — вот мои документы», што Севярынец Ганна Канстанцінаўна звяртаецца з нагоды ўтрымання Севярынца Паўла Канстанцінавіча — гэта трэба пацвердзіць нейкімі дакументамі? То-бок не даваць мне абараняць дысертацыю, не браць на працу ў БДУ, здымаць матэрыялы з друку, не пускаць з кніжкамі ў дзяржвыдавецтвы таму, што я сястра Севярынца — тут дакументаў у мяне не пыталіся. А цяпер во спыталіся.
І дзе, цікава, даюць даведкі аб тым, што нехта табе брат?
Не тое, каб я здзівілася, але цынізм зашкальвае», — абурана напісала Ганна Севярынец.
