Здарэнне адбылося 7 ліпеня. Берасцеец патэлефанаваў ратавальнікам у 14:10. Ён паведаміў, што заблукаў каля пасёлка Мухавец з чатырма дзецьмі, паведамляе Брэсцкае абласное ўпраўленне МНС.
112.by
Мужчына з дзецьмі выйшаў з цягніка на чыгуначнай станцыі «Дубок» і накіраваўся ў лес збіраць ягады. Самастойна выйсці яны не змаглі.
У пошуку ўдзельнічалі 8 адзінак тэхнікі і 25 чалавек з Брэсцкага абласнога ўпраўлення МНС, Брэсцкага РАУС і лясгаса.
Мужчыну знайшлі праз гадзіну, у 15:10. Прычым за 300 метраў ад той самай чыгуначнай станцыі, на якую ён і прыехаў.
0
0
0
0
0
0