26-гадовага жыхара Гомеля падазраюць у вымагальніцтве, паведамляе Следчы камітэт.

У верасні 2019 года падазраваны пазнаёміўся з 21-гадовай гамяльчанкай на папулярным сэрвісе анлайн-знаёмстваў. Пры гэтым хлопец размясціў у праграме чужую фатаграфію і ў анкеце павялічыў свой узрост. Пасля непрацяглай перапіскі хлопец запрасіў дзяўчыну на рэальную сустрэчу ў сваю кватэру.

Пасля спаткання малады чалавек сказаў, што запісаў усё на камеру. Пад пагрозай, што размесціць відэа ў адкрытым доступе, ён запатрабаваў у дзяўчыны купіць яму тэлевізар або ноўтбук.

Аднак гамяльчанка звярнулася ў міліцыю. Гомельскі гарадскі аддзел Следчага камітэта распачаў крымінальную справу па ч.1 ст.208 (вымагальніцтва) КК.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру